Ákimdiktiń jolaýshylar kóligi jáne avtomobıl joldary basqarmasy jarııalaǵan konkýrsqa sáıkes, qurylys jumystary ushý-qoný jolaǵyn qaıta salýdy, jańa IVPP-2 men rýlejdik jolaqtardy turǵyzýdy qamtıdy. Bul – aımaq áýejaıynyń ótkizý qabiletin arttyryp, halyqaralyq standarttarǵa saı qyzmet kórsetýge jol ashatyn mańyzdy qadam.
«Shymkent – elimizdiń úshinshi megapolısi. Mundaǵy áýe qatynasynyń sapasy men qaýipsizdigin arttyrý – tek qala úshin emes, tutas óńirdiń damýy úshin strategııalyq mańyzǵa ıe», delingen joba sıpattamasynda.
Baıqaýǵa ótinimderdi qabyldaý bastalyp, 15 qyrkúıekke deıin jalǵasady. Mamandardyń aıtýynsha, rekonstrýksııa aıaqtalǵan soń Shymkent áýejaıy jolaýshylar aǵynyn birneshe ese ulǵaıtyp, jańa baǵyttardy ıgerýge múmkindik beredi.
